Amig@s birleir@s, témosvos que dar unha nova: Acabáronse as vacacións!!!
Ímosvos dar unha receita para un prato que se tarda en cociñar algo así como catro meses.
Nun entorno marabilloso, en plena natureza poñemos os seguintes ingredientes:
- Nove birlos.
- Dúas bolas de madeira.
- Un lastrón.
- Unha tira.
- Unha liña de dez.
- Vari@s tol@s polos birlos.
- Bó humor.
- Ganas de pasalo ben.
- Unhas gotas de competitividade.
A III da Liguiña de Birlos de San Fiz.
A data límite para inscribirse é ata o día 15 de Febreiro, data na que se celebrará o sorteo. O prezo da inscrición é de 30 €, incluíndose neste prezo a comida que terá lugar ao remate da liguiña.
A Liguiña principiará o día 01 de Marzo e rematará o día 14 de Xuño.
Como tódolos anos haberá trofeos para os tres primeiros clasificados, para o primeiro clasificado maior de 65 anos e para o primeiro menor de corenta. Tamén haberá un trofeo para o participante que máis puntos consiga nos embirles.
Este ano, como en tódalas edicións, a organización decidiu introducir algunhas novedades que poñeremos a continuación:
- Será obrigatorio tirar coa camisola da Liguiña, á persoa que non o faga así descontaránselle 20 puntos da puntuación que acade nesa xornada.
- Un trofeo para o participante que máis puntos consiga no embirle.
Ese mesmo día celebrarase o sorteo cos emparellamentos para a Supercopa de Birlos do Santo Cristo participarán os 12 primeiros clasificados da Liguiña.
As semifinais da Supercopa se xogarán o día 28 de Xuño e a final o día 4 de Xullo.
E con esto despedímonos, ata logo.
