A 7ª Xornada

Boas noites a tod@s.

Comparecemos de novo ante vos para dar conta dos resultados da séptima e penúltima xornada desta fascinante liguiña de birlos. As partidas correspondentes a esta xornada celebráronse entre os días 27 de maio e 3 de xuño.

Tras poñérense algúns dos participantes ao día nas súas tiradas, trá-la súa recuperación das lesións producidas na intensidade da loita birleira, producíronse certos cambios na clasificación dos que imos dar conta a continuación:

En primera posición e con 1.137 puntos o Alejandro de A Arribada.
Ségueo con 1.043 puntos o Suso de A Arribada.
Na terceira praza atopámonos co Moisés de Guende con 969 puntos.
En cuarto lugar está o José Luís "O Piñeiro" con 912 puntos.
O quinto clasificado é O Ramón da Torre con 893 puntos.
A sexta praza é ocupada polo Pedro de Guende con 873 puntos.

De cara á xornada final da liguiña os tres primeiros postos semella que están bastante claros, pero desatouse unha gran batalla polos postos do cuarto ao oitavo ou o noveno que promete ser moi interesante.

Con respecto ao parte da enfermería salientaremos que a temos baleira porque decidimos poñernos de reformas, non nos gustaba a cor das paredes.

Un saúdo a todos.